همومي بتزيد

زائر

همومي بتزيد وكل يوم بصحي وبنام مفزوع ومش سعيد

ايامي اتملت تعب ومش عارف ايه السبب ان الفرحه بعيد

تعبت وعلي عمري اللي ضاع ندمت علشان صعب اللي راح يرجع اكيد

دي الحياه بتاخدني علي خوانه وبسببها نفسيتي تعبانه والغدر من غير مواعيد

مبقاش باقي حد اطمنله علي اشواقي ولا فاضل حاجه تصبرني علي اللي باقي في حياتي

مبقاش فاضل غير حرب عايش معاها وحياه عايشها كرب من بعد ما ضاعت زكراياتي

عمال بعاند روحي واحاول انسي .. وترجع تدبحني جروحي وعلي نفسي اقسي .. وتزيد اهاتي

افتكر ويوحشني حبايبي وادور وملاقيش حد جنبي واراجع ليه كل حد سابني واتعب في سكاتي

مافيش اصحاب احباب واهو كله كلام كداب ومحدش خايف علي التاني

مافيش واقرب الناس راح فيهم الاحساس وكله عايش اناني

واللي يعيش يدور علي حضن يدور يلاقي حزن وكمان يعاني

نفسي اتعلم اتكلم عن حقي واقدر بقي اعيش عمري علشاني

ده لما حاولت اضحك علي الدنيا خزلتني وكانت ديما كشفاني

و وقت ما حبيت افتح عنيا علشان محدش يجرح فيا قدر يوهمني نسياني

دي الوحده والالم تعبو قلبي اللي اتظلم و الحسره علي اللي ضاع ديما بتكون مستنياني

ده وقت بيضيع في عذاب ومافيش ابدا احباب والحياه مليانه رعب

وكل ما اجي واقول مش هاسلم لو يقصر عمري او يطول الاقي الهم صعب

وانكسر وارجع لوحدي أقوم وأنهزم والاقي هموم وما بين ده وده عايش في حرب

كرهت العمر ومش فاضل صبر وكرهت كل اللي تاعبني

اكتر اللي عيشته وكمان عرفته كتير مكانش ديما عاجبني

يا فرحه تعالي عندي وابعد يا حزن عني ونفسي متبقاش عارفني

الله يبعد عنك الحزن ويعطيكى
كل اللى فى بالك
دايما توكلى على ربك هو اللى يفرج همك
تقبلى تحياتى