بيسألوا مين انا ......

بتسألوا عني انا .. ؟؟

بتسألو عني انا..؟

انا إللي دوقت سنين ضنا

و ساعات هنا ..

و ليالي حزن و دندنة

لكني أهو زى مانا

زى الحجر جامد صوان

رغم إللي كان ..

رغم إللي قالو إني إنتهيت

رغم إللي قالو إني مشيت

في طريق مميت ... مليان حفر

قلت الحفر دي لعبتي ..

محفورة في طريق نهايتة جنتي ... و شمس و قمر

بيلفو حوالين دمعتي

مستنيين .. لحظة سعادة في دنيتي

يتسللو في ليلي الحزين

و ينورو ا ...

تصوروا ... ناس السعادة في قلبهم يتكدروا

من غير سبب

و ناس سنين بيدوروا

و ايام تعب ...

منهم انا ..

لكني اهو زي مانا

زي الحجر جامد صوان

و أسمع كمان ..

إللي يقولوا إني ضعفت

و إني خفت..

إني شلت همومي على كتفي و فشلت

مايعرفوش...

إني وقفت في يوم هناك

و إتسألت ...

راح تسمعوا و ترجعوا و لا تختاروا الهلاك..؟

قلت لا انا حاسمع و لا حارجع

و عرفت يومها ان ضرب السوط بيوجع

بس عمره ما خلى قلبي يخاف و يركع

لأ ده سوطهم خلى صوتي يبان و يطلع

خلى شيء جوايا مات

اسمه السكوت ...

خلاني اقول بأعلى صوت

انا أهو زي مانا

زى الحجر جامد صوان

......................

أيوة مرت من زمان .. أوقات خيانة

و أصدقاء باعو الأمانة

و وقت قلنا ان الوفا .. راح و اختفى

بتسألو عن الوفا ..؟

اصل الوفا معروف معاده

صاحي يومين .. و سنين غفا

و يطول بعاده..

و تعرفوا انه اختفى

....................

و أرجع و أقول زى زمان

إن الحياه كان ياما كان

و إني كمان...

مستني يوم مش حابقى فيه زى مانا

يوم ما الحجر يصبح فتات...

و القصة تصبح ماضي فات...

و يقولوا جه يوم الممات...

يوم الفنا

اخوانى كتبت هادى القصيدة يمكن لانى ما قدرت احكى لحبيبتى شو السر اللى خلانى بدى حبيبتى تتزوج غيرى بتمنى منها تفهم كلامى وصدقينى يوم الحساب جاى وقريب
وكل واحد شارك بالفراق بينى وبينك حسابه حيكون شديد

يسلمووووووو كتير على القصيدة الرئعة واكثر وللك
منى دعوة حلوة الله يجمعك بحبيبتك للابد يارب
تقبل مرورى
(سلمى)

شكرا الك اختى سلمى على احلى دعوة
الله لا يحرم احد من حبايبه
مع تحياتى للجميع

ابدعت كلامات
مبدع
دمت ودام ابداعك
في انتضاار القاادم

تقبل مروري

وتحيااتي
رقيقة